Gham-E-zindagi sunauun mera mulk jal raha hai,
Main khushi kahaan sE lauun mera mulk jal raha hai....
Tumhein ye gila hai janaa ke mizaaj kyuun hai barham,
Kaho kaise muskrauun mera mulk jal raha hai....
Tumhein Eid ki khushi hai mujhe Yaad hai wo lekin,
Main Ye kaise bhool jauun mera mulk jal raha hai....
Hai dagar dagar Asaarat hai qadam qadam Shahaadat,
Sar e raah dagmagauun mera mulk jal raha hai....
Mera zakhm zakhm seena to lahu lahu safina,
Main nishat kaise pauun mera mulk jal rha hai....
No comments:
Post a Comment