Thursday, October 25, 2012

Betiyon ke bhi liye haath uthaao "Manzar" - By Manzar Bhopali

Zindagi ke liye itna nahi maanga karte
Maangne waale se kaasaa nahi maanga karte

Malik e Khuld se duniya nahi maanga karte
Yaar !! dariyaaon se qatra nahi maanga karte

Ham wo raahi hain liye phirte hain sar par suraj
ham kabhi pedon se saaya nahi maanga karte

Maine Allah se bas khaak e madeena maangi
log apne liye kya kya nahi maanga karte

Betiyon ke bhi liye haath uthaao "Manzar"
sirf Allah se beta nahi maanga karte


6 comments: