kisi ka jalwa e rangeen, takhayyulaat mein hai
chiraagh banke koi zindagi ki raat mein hai
chiraagh banke koi zindagi ki raat mein hai
mehek mehek utha har gosha e hayaat mera
kisi ke jism ki khushboo tasawwuraat mein hai
bohat buland faza mein teri patang sahi
magar ye soch kabhi dor kiske haath mein hai
idhar ki baat bhala kis tarah udhar pohanchi
zaroor koi munafiq hamare saath mein hai
mukhaalfat meri mehengi tujhe padhegi bohat
zamaane tere muqaddar to mere haath mein hai
ham apne aapko mehfooz kis tarah samjhein
abhi hayaat ka har lamha haadsaat mein hai
No comments:
Post a Comment